ചേരുവകൾ - നെയ്മീൻ 400 ഗ്രാം, മുളകുപൊടി 3 ടേബിൾ സ്പൂൺ, മഞ്ഞൾപൊടി അര ടീസ്പൂൺ, കുരുമുളകുപൊടി ഒരു ടീസ്പൂൺ, ഉപ്പു പാകത്തിന്, വെള്ളം 2 ടീസ്പൂൺ, വെളിച്ചെണ്ണ ആവശ്യത്തിന്.
ബിരിയാണി മസാല
വെളിച്ചെണ്ണ ഒരു ടേബിൾ സ്പൂൺ, നെയ്യ് 2 ടേബിൾ സ്പൂൺ, സവാള 3 എണ്ണം നീളത്തിൽ അരിഞ്ഞത്, ഇഞ്ചി ഒരു കഷണം, വെളുത്തുള്ളി 8 എണ്ണം, പച്ചമുളക് 3 എണ്ണം, തക്കാളി 2 എണ്ണം, മല്ലിയില, പുതിനയില ഒരു കപ്പ്, തൈര് 2 ടേബിൾ സ്പൂൺ, ഉപ്പു പാകത്തിന്.
റൈസിനു വേണ്ടി
കൈമ അരി 3 കപ്പ്, പട്ട, ഗ്രാമ്പൂ, എലയ്ക്കാ 3 എണ്ണം വീതം, നെയ്യ് 3 ടേബിൾ സ്പൂൺ, എണ്ണ ഒരു ടേബിൾ സ്പൂൺ, ചൂടുവെള്ളം നാലര കപ്പ്, ഉപ്പു പാകത്തിന്.
ഗാർണിഷിങ്ങിന്
നെയ്യ്, പുതിന, മല്ലിയില, കശുവണ്ടി, മുന്തിരി 30 ഗ്രാം,
ഗരംമസാല ഒരു ടീസ്പൂൺ, കാൽ കപ്പ് പാൽ +1അര ടീസ്പൂൺ മഞ്ഞൾപൊടി
തയാറാക്കുന്നവിധം - മീനിൽ മസാലപ്പൊടികൾ തേച്ചു പിടിപ്പിച്ച് അര മണിക്കൂർ വച്ചശേഷം അധികം മൊരിയാതെ വറുത്തെടുക്കണം. അതേ പാത്രത്തിൽ കുറച്ചു നെയ്യും എണ്ണയും ഒഴിച്ച് സവാള ബ്രൗൺ നിറത്തിൽ നന്നായി വഴറ്റി, ഇഞ്ചി, വെളുത്തുള്ളി, പച്ചമുളക് ചതച്ചതും ചേർത്ത് വീണ്ടും വഴറ്റുക. മൂത്ത മണം വരുമ്പോൾ ഗരംമസാലയും ഉപ്പും ചേർത്ത് തക്കാളി, മല്ലിയില, പുതിന, തൈര് എന്നിവയും ചേർത്ത് കുറുകിവരുമ്പോൾ വറുത്ത മീൻ പൊടിഞ്ഞു പോകാതെ ഇട്ടിളക്കി ചെറുതീയിൽ 2 മിനിറ്റ് വേവിച്ചശേഷം അടച്ചു വയ്ക്കണം.
അരി കഴുകി വെള്ളം പോകാൻ വയ്ക്കുക. കട്ടിയുള്ള പാത്രത്തിൽ നെയ്യൊഴിച്ച് ചൂടാകുമ്പോൾ മസാലയും അരിയും ചേർത്ത് നന്നായി വറുക്കുക. അരി പൊട്ടിത്തുടങ്ങുമ്പോൾ തിളച്ച വെള്ളവും ഉപ്പും ചേർത്തിളക്കി പാത്രം മൂടി അരി വെന്ത് വെള്ളം വറ്റുമ്പോൾ ഇറക്കിവയ്ക്കുക.
അടി കട്ടിയുള്ള പാത്രത്തിൽ മീൻ മസാല നിരത്തി മുകളിൽ ഒരു ലെയർ ചോറ് മുഴുവൻ നിരത്തി ഗരംമസാലപ്പൊടി, മല്ലിയില, പുതിന, വറുത്ത സവാള, അണ്ടിപ്പരിപ്പ്, മുന്തിരി ഇവ തൂവി ദം ചെയ്യുക.
No comments:
Post a Comment