ഒരു വെറ്ററിനറി ഡോക്ടർ എന്ന നിലയിൽ കൃത്യമായ വിവരങ്ങളെ അടിസ്ഥാനപ്പെടുത്തിയുള്ള രോഗനിർണ്ണയമില്ലാതെ സോഷ്യൽ മീഡിയയിലൂടെ മരുന്നും ഡോസും ചികിത്സയും നിർദ്ദേശിക്കുന്നത് ചെയ്യാറില്ല. ഒരേ ലക്ഷണത്തിന് പല രോഗങ്ങളാകാം കാരണം. ഇനം, പ്രായം, ശരീരഭാരം, രോഗാവസ്ഥ, മറ്റ് മരുന്നുകൾ, കരൾ-വൃക്ക പ്രവർത്തനം തുടങ്ങിയവ പരിഗണിച്ചാണ് മരുന്നും ഡോസും തീരുമാനിക്കേണ്ടത്. ഭക്ഷ്യോൽപ്പാദന മൃഗങ്ങളാണെങ്കിൽ withdrawal period കൂടി നിർബന്ധമായും പരിഗണിക്കണം.
പ്രത്യേകിച്ച് ആന്റിബയോട്ടിക്കുകൾ അനാവശ്യമായി ഉപയോഗിക്കുന്നത് Antimicrobial Resistance വർധിപ്പിക്കുകയും മൃഗങ്ങളെയും മനുഷ്യരെയും ബാധിക്കുകയും ചെയ്യും. ഇതിനൊപ്പം നിയമപരമായ ഉത്തരവാദിത്വവും ഉണ്ട്. ഇന്ത്യയിലെ Drugs & Cosmetics Rules പ്രകാരം Schedule H, H1, X വിഭാഗങ്ങളിലെ prescription drugs-ന് പ്രത്യേക നിയന്ത്രണങ്ങളുണ്ട്; prescription-ൽ veterinary use-നുള്ള മൃഗത്തിന്റെ ഉടമയുടെ വിവരങ്ങളും മരുന്നിന്റെ അളവും രേഖപ്പെടുത്തേണ്ട വ്യവസ്ഥയുമുണ്ട്. Prescription drugs-ന്റെ പരസ്യത്തിനും നിയന്ത്രണങ്ങളുണ്ട്. ഇതൊന്നുമാറിയാതെയാണ് ചില യു ട്യൂബർ മാർ യാതൊരു ശാസ്ത്രീയ അടിത്തറയുമില്ലാതെ റീച്ചിന് വേണ്ടി ആന്റിബയോട്ടിക് മരുന്നുകൾ ഉൾപ്പടെ പരസ്യപ്പെടുത്തുന്നത്! നിയമ വശങ്ങൾ മനസിലാക്കുക!
അതുകൊണ്ട് Facebook-ൽ ഞാൻ ചെയ്യുന്നത് ശാസ്ത്രീയ വളർത്തൽ രീതികൾ പരിചയപ്പെടുത്തുക, രോഗങ്ങളെക്കുറിച്ചും പ്രതിരോധത്തെക്കുറിച്ചും ശാസ്ത്രീയ അറിവ് പങ്കുവയ്ക്കുക എന്നിവയൊക്കെയാണ്., അല്ലാതെ “ഈ മരുന്ന്, ഇത്ര ഡോസ്, ഇത്ര ദിവസം” എന്ന് കുറിപ്പടി നൽകുക അല്ല. അരുമകൾക്ക് അസുഖം വരുമ്പോൾ തൊട്ടടുത്തുള്ള ഡോക്ടറുടെ സേവനം തേടാൻ പറ്റാത്തവർ ഈ പണിക്ക് നിൽക്കരുത്. സോഷ്യൽ മീഡിയ ബോധവൽക്കരണത്തിനുള്ളതാണ്.
ചികിത്സയ്ക്ക് തൊട്ടടുത്തുള്ള വെറ്ററിനറി ഡോക്ടറുടെ സേവനം പ്രയോജനപ്പെടുത്തുക..
ഡോ ഹരികൃഷ്ണൻ എസ്
29.9.26
